تغيب عنـي همـوم القلـب واحزانـه****لاغاب عن تغطيـة لرسـال جوالـي
-
قصيده رائعه جدا للشاعر عبدالرحمن بن بديع الشهراني اتمني ان تحوز علي رضاكم كما اتمني ان لم يسبقني
احد علي نقلها هذا ولكم تحياتي جميعا
ياحظ كثر العنا وشهـو علـى شانـه
ووش هو مصيري معك في وقتي التالي
من ضيقة الصدر كني وسـط زنزانـه
لي عام واكثر وانـا متغيـرٍ ن حالـي
نفسي على الخايع الممطـور ولهانـه
وعن زحمة الناس ودي بالخلا الخالـي
تغيب عنـي همـوم القلـب واحزانـه
لاغاب عـن تغطيـة لرسـال جوالـي
وتوانـك الجيـب للمطـراش مليانـه
لكن وين الخـوي اللـي علـى بالـي
اللي آصول الصداقـه معـه منصانـه
ماهوب مـره رخيـص ومـرةٍ غالـي
بينـي وبينـه صداقـة ود وميـانـه
وان ماتهيـا قطعـة الفرجـه اِلحالـي
مادام نفسي علـى المنهـاج نشطانـه
بهدي لها جُل وقتي وارخـص ريالـي
واقطع فجوج الخـلا واشـوف حيانـه
واسج في كـل خبـتٍ مابـه ازوالـي
الخبت عنـدي ولا السـوده وشيبانـه
خص ٍ لياجيت روض نبتـه اشكالـي
وسمعت طير الحمام ايكوسـر الحانـه
وشمس العشي مالت وخالفني اضلالي
وارتاح لارخى ظـلام الليـل جنحانـه
وجريت جمر المنـاره تحـت معمالـي
اسج واسري بفكري واطلـق اعنانـه
يحلالـي الليـل والتفكيـر يحـلالـي
افكـر بصنـع رب الكـون سبحـانـه
ويمضي بي الوقت وانـا دالـه سالـي
يومٍ ن بعـض الاوادم صخـر السانـه
لمجالس اهل الخنـا والقيـل والقالـي
زين له ابليس عرض افـلان وافلانـه
يبهت ويهتك عسـى مافالـه ابفالـي
صحيح بعض المجالس مالهـا خانـه
والبعد عنها بجـو الوحـده اشوالـي
تغيب عنـي همـوم القلـب واحزانـه
لاغاب عـن تغطيـة لرسـال جوالـي
